Irani thotë se nuk është kundër dërgimit të uraniumit të tij jashtë vendit për pasurim të mëtejshëm, për sa kohë që do të furnizohej me karburant për reaktorët e tij bërthamorë.
Zëdhënësi i ministrisë së Jashtme iraniane, Ramin Mehmanparast, u tha gazetarëve sot se Teherani kërkon garaci të plota për shkëmbime të njëkohëshme në teritorin e tij. Deri më tani, Irani e ka kundërshtuar propozimin e mbështetur nga Kombet e Bashkuara që ka si synim adresimin e shqetësimeve të perëndimit për programin bërthamor iranian.
Sipas këtij plani, Irani do të dërgonte mbi 70% të uraniumit të tij në Rusi dhe Francë, ku do të pasurohej si karburant për një reaktor bërthamor për kërkime mjeksore. Vendet perëndimore thonë se programi bërthamor i Iranit ka për qëllim prodhimin e armëve, por Teherani këmbëngul se programi i tij ka qëllime paqësore.
//rd//