Një ortek ka shkaktuar 7 të vdekur në Italinë e Veriut, mes tyre 4 pjestarë të skuadrave të shpëtimit.
Policia tha se viktimat e para, dy turistë italianë që po eksploronin malet e rajonit të Trentinos, ishin zhdukur që ditën e djeshme.
Një skuadër shpëtimi shkoi për t’i kërkuar dhe u përfshi nga një tjetër ortek i dytë më vonë gjatë ditës. 4 persona nga skuadra e kërkimit, vdiqën.
Në një tjetër incident pranë Bolzanos, sërish në veri të Italisë, tre të rinj gjermanë u përfshinë nga orteku teksa po bënin ski.
Zyrtarët e skuadrave të kërkimit thanë se njëri prej tyre vdiq në vend.
Njëri prej të rinjve, u dërgua në spital në Bolzano, ndërsa i treti arriti të
mbijetojë i padëmtuar. //mm//