Në Kosovë, Komisioni Qendror i Zgjedhjeve ende nuk ka marrë vendim të
prerë nëse do të ketë apo jo rivotime në Gjilan, ndërsa ka caktuar 31
janarin ditë të rivotimeve në Prizren e Lipjan. Përfundim i këtij
procesi pritet të pasohet me lëvizje brenda koalicionit qeverisës i
cili përbëhet nga Partia Demokratike dhe Lidhja Demokratike e Kosovës,
rivalet kryesore në zgjedhjet për pushtetin lokal, të cilat po
përshkohen nga përplasje të shumta.