Lidhje

Bechtel-Enka, oferta më e mirë për autostradën Morinë-Merdare


Në Kosovë, autoritetet shpallën sot kompaninë amerikano – turke Bechtel-Enka”, si ofertën më të mirë për ndërtimin e autostradës Morinë-Merdare. Zyrtarë të Ministrisë së Transporteve thanë se kandidati më i mirë është ai me të cilin do të fillojnë edhe negociatat për kontratën e ndërtimit të autostradës.

Sipas vlerësimeve të deritashme, ndërtimi i kësaj autostrade mund të kushtojë nga 700 deri në 800 milionë euro. Sipas projektit autostrada Morinë-Prishtinë-Merdar, ka një gjatësi prej 117 kilometrash dhe do të jetë vazhdimësi e autostradës Durrës – Kukës – Morinë, e cila u përurua në qershor të vitit të kaluar.

Në mesin e kompanive që kanë bërë ofertat e tyre për ndërtimin e kësaj rruge kishte të tilla nga Austria, Turqia, nga Italia e Greqia.

Kompania amerikano – turke “Bechtel-Enka”, është e përfshirë në ndërtimin e një pjese të autostradës Durrës - Kukës – Morinë. //ii

XS
SM
MD
LG