Lidhje

Ukrainë: Janukoviç, fituesi i pritshëm i zgjedhjeve presidenciale


Udhëheqësi i opozitës në Ukrainë, Viktor Janukoviç, fituesi i pritshëm i zgjedhjeve presidenciale të së djelës, po i bën thirrje rivales së tij, Kryeministres aktuale Julia Timoshenko të pranojë humbjen.

Trysnia u shtua të hënën ndaj zonjës Timoshenko, pasi vëzhguesit e OSBE-së deklaruan se zgjedhjet ishin transparente dhe të drejta.

Pas numërimit të gati 98 përqind të votave, zoti Janukoviç kryeson me 2.8 përqind.

Zonja Timoshenko nuk ka bërë më komente që kur OSBE-ja, i vlerësoi votimet si “një manifetim mbresëlënës zgjedhjesh demokratike”. Ajo e shtyu një konferencë të planifikuar shtypi për të martën.

Para se të dilte vlerësimi i OSBE-së, zonja Timoshenko kishte pretenduar për manipulime në shkallë të gjera të votave në rajonet pro-ruse të Ukrainës dhe kishte thënë se ajo mund ta kontestonte rezultatin e zgjedhjeve në gjykata.

XS
SM
MD
LG