Presidenti i Shteteve të Bashkuara, Barak Obama, u takua me udhëheqësin shpirtëror të Tibetit, Dalai Lama, sot në Shtëpinë e Bardhë, megjithë protestat e vazhdueshme nga Kina.
Në komunikatën e
saj Shtëpia e Bardhë thotë se presidenti vlerësoi angazhimin e Dalai Lamës për
mospërdorimin e dhunës dhe përpjekjet e tij për dialog me qeverinë kineze.Në komunikatë thuhet gjithashtu se presidenti
dhe Dalai Lama ranë dakord për rëndësinë e marrëdhënieve “pozitive dhe të
bashkëpunimit” mes Shteteve të Bashkuara dhe Kinës.
Dalai Lama u tha
gazetarëve se foli me Presidentin Obama rreth promovimit të harmonisë fetare
dhe vlerave njerëzore, si dhe për shtimin e rolit të gruas në udhëheqje. Takimi u zhvillua në Dhomën e Hartës
të Shtëpisë së Bardhë dhe jo në Zyrën Ovale.
Takimi ka ngjallur komente të ashpra nga Kina që tha se e kundështon me forcë
vizitën e Dalai Lamës. Kina u bëri thirrje javën e kaluar Shteteve të Bashkuara
“të tërhiqte menjëherë” ftesën.
Sekretarja e Shtetit, Hillari Klinton takohet me Dalai Lamën sot më vonë. //iç//