Zona e Nënshkodrës rrezikohet përsëri nga përmbytjet, për shkak të
rreshjeve të shumta, që vazhdojnë të bien si dhe shkarkimeve të
detyruara nga hidrocentralet e Kaskadës së Lumit Drin. Rreth 750
hektarë toke janë përmbytur gjatë 24 orëve të fundit në komunën e Anës
së Malit, ndërkohë që është bllokuar nga ujrat edhe rruga
automobilistike që shkon drejt fshatit Obot, fshati i cili gjatë
përmbytjeve të janarit u shndërrua në një ishull për më shumë se tre
javë. Autoritetet e emergjencave civile po monitorojnë situatën,
ndërkohë që nuk kanë përjashtuar mundësine e evakuimit të popullatës
nga zonat e rrezikuara. Korrsepondenti i Zërit te Amerikës, Pëllumb
Sulo njofton nga Shkodra.