Shumë shqiptarë nga Maqedonia po marrin rrugën në drejtim të vendeve të Bashkimit Evropian në kërkim të kushteve më të mira të jetesës. Autoritetet maqedonase nuk janë prononcuar për këtë çështje, ndërsa faktorët politikë shqiptarë vlerësojnë se shqiptarët që largohen ndjehen të mashtruar e të manipuluar. Vetëm në Belgjikë kanë kërkuar strehim rreth 400 shqiptarë nga Maqedonia, brenda muajit shkurt.