Emigrantët shqiptarë nga Mali i Zi, që jetojnë e punojnë në Shtetet e Bashkuara, po ndihmojnë në ndërtimin e objekteve kulturore dhe fetare, në vendlindjen e tyre në Mal të Zi, si dhe në botimin e librave, që i kushtohen historisë dhe traditave të tyre kombëtare. Një prej këtyre emigrantëve është edhe Profesor Lulash Palushaj nga Malësia e Tuzit, i cili jeton prej vitesh në Miçigan të Shteteve të Bashkuara. Ditët e fundit, profesor Palushaj është kthyer në vendlindje për të promovuar librin e tij "Malësia dhe Fiset e saj", libër ky, që i kushtohet nevojës së ruajtes së traditave kombëtare tek shqiptarët që jetojnë në Mal të Zi.