Në Kili ka filluar zia kombëtare 3 ditore për qindra njerëz të vrarë nga tërmeti shkatërrimtar i së shtunës së kaluar.
Flamujt janë ulur sot në gjysëm shtize në shenjë nderimi për qytetarët që humbën jetën kur tërmeti prej 8.8 ballë dhe cunami që pasoi goditën vendin e Amerikës Jugore.
Zyrtarët ende përballen me vështirësi për të përcaktuar numrin e saktë të viktimave. Qeveria kiliane e uli edhe më shumë numrin e të vrarëve nga tërmeti, nga më shumë se 800 që ishte fillimisht në 452. Autoritetet thonë se do të shtojnë numrin e viktimave vetëm pasi ato të identifikohen.
Tërmeti shkatërroi qindra shtëpi, duke lënë pa strehë gati 2 milion njerëz. Kushtet sanitare përbëjnë një shqetësim në rritje për njerëzit që jetojnë përjashta. (ze)