Arsimi në gjuhën shqipe është një nga problemet e popullatës shqiptare në Mal të Zi. Sipas këshilltarit për arsimin në gjuhën shqipe, në Ministrinë malazeze të arsimit, profesor Rrok Gjolaj, vitet e fundit po bëhen përpjekje të rëndësishme, duke nisur nga reforma arsimore, miratimi i programeve dhe botimi i teksteve të reja mësimore në gjuhën shqipe. Por, zoti Gjolaj thotë se arsimi në gjuhën shqipe në Mal të Zi përballet edhe me probleme që lidhen, veç të tjerash, edhe me krizën ekonomike që po kalon Mali i Zi. Korrespondenti ynë Pellumb Sulo, bisedoi me keshilltarin Gjolaj dhe pergatiti kronikën.