Në Maqedoni, qeveria e bashkimit kombëtar filloi sot punën me shpresën so të mund t'i japë fund kryengritjes së grupeve të armatosura shqiptare, e cila krijoi shqetësime për një luftë të mundëshme civile. I ashtuquajturi koalicion i madh u miratua dje nga parlamenti me shumicë dërrmuese votash. Ai përfshin ministra nga partitë kryesore që përfaqësojnë si shumicën sllave ashtu edhe pakicën shqiptare. Krijimi i qeverisë së re shihet si fitore për zotin Ljubço Gjeorgjievski, i cili do të vazhdojë të jetë kryeministër dhe shpreson se koalicioni do të jetë në gjendje ti izolojë luftëtarët shqiptarë. Miratimi i qeverisë së re u vonua përkohësisht sepse Partia për Prosperitet Demokratik shprehu kundërshtime ndaj një fjalimi të kryeministrit, i cili i quajti kryengritësit një armik që duhej eliminuar. Ndërkohë, Shtetet e Bashkuara e përshëndetën krijimin e