Kryeadministratori i Kosovës, Hans Hakerup dhe komandanti i KFOR-it, Thorstein Skiaker, i thanë sot zëvendëskryeministrit serb Nebojsha Çoviq se ndër çështjet kryesore të punës së tyre në Kosovë është bashkimi i qytetit të Mitrovicës. Ata i bënë këto komente gjatë takimit me zotin Çoviq në vendkalimin kufitar ndërmjet Kosovës dhe Serbisë, në fshatin Merdare.