Në Kosovë arriti grupi i parë i rreth 700 marinsave amerikanë nga përbërja e forcave strategjike të formacioneve rezervë të NATO-s. Ata pritet t’i bashkohen brigadës shumëkombëshe të lindjes në Kosovë në mbrojtje të vijës kufitare ndërmjet Kosovës dhe Maqedonisë. Paqeruajtësit në Kosovë thanë se kjo është shprehje e përkushtimit të tyre për të mbrojtur paqen dhe qëndrushmërinë në tërë rajonin e Ballkanit.