Lidhje

BE: 18 milionë dollarë ndihma për Pakistanin - 2001-09-25


Një delegacion i nivelit të lartë të Bashkimit Evropian bëri të ditur një ndihmë të menjëhershme për Pakistanin prej 18 milionë dollarësh, pas bisedimeve që u mbajtën sot në Islamabad.

Ministri i Jashtëm belg Louis Michel, vendi i të cilit mban presidencën e radhës së Bashkimit Evropian, tha se kjo shumë do ta ndihmojë Pakistanin të përballojë valën e refugjatëve nga Afganistani. Ai tha në një konferencë shtypi se delegacionit i la mbresë qendrimi kurajoz i Pakistanit kundër terrorizmit.

Delegacioni ka filluar një turne vizitash në pesë vende myslimane për të siguruar mbështetje për një aleancë globale kundër terrorizmit. Pakistani është ndalesa e para e këtij turneu.

XS
SM
MD
LG