Presidenti Bush ka dërguar nëntë sekretarë të kabinetit që të udhëtojnë me aeroplanë komercialë nëpër Shtetet e Bashkuara sot, për t’u treguar qytetarëve amerianë se mund të ndjehen të sigurt për të udhëtuar përsëri me aeroplan.
Zoti Bush tha se do të bashkëpunojë me Kongresin për t’i vënë aeroportet e vendit nën mbrojtes e qeverisë federale. Po ashtu edhe mbrojta fizike në bordin e aeroplanit do të forcohet. Dhe, në qoftë se në të ardhmen rrëmbyesit arrijnë të marrin nën kontroll ndonjë aeroplan udhëtarësh për sulm vetvrasës, zyrtarët e Pentagonit thanë se janë të autorizuar që të japin urdhër për goditjen e aeroplanit, në qoftë se ai këcënon ndonjë qytet amerikan.