Aleanca Veriore në Afganistan po vazhdon ofensivën ndaj qytetit të Kunduzit në veri.
Komandantët e Aleancës thonë se forcat e tyre po i afrohen qytetit nga tri drejtime. Forcat talebane që mbajnë qytetin po bombardohen edhe nga aeroplanët amerikanë. Luftimet për Kunduzin filluan dje pas dështimit të bisedimeve për dorëzimin e luftëtarëve talebanë.
Shumica e luftëtarëve pro-talebane të rrethuar në qytet janë vullnetarë të huaj arabë, pakistaneze dhe çeçenë, që sipas njoftimeve nuk pranojnë të dorëzohen.
Zyrtarët e Aleancës Veriore thonë se luftëtarët e huaj nuk po lejojnë arritjen e marrëveshjes për dorëzimin e forcave talebane, pasi kanë frikë se do të keqtrajtohen në se bien në duart e Alenacës Veriore.
Shtetet e Bashkuara nuk pranojnë që luftëtarët e huaj të largohen të lirë, duke thënë se kështu ata mund të shkojnë në vend tjetër dhe të krijojnë probleme atje.