Në Kosovë, partitë kryesore politike shqiptare nuk arritën ndonjë marrëveshje për krijimin e një qeverie koalicioni me bazë të gjerë.
Çështja, me sa duket, ka mbetur në tre postet kryesore të pushtetit ekzekutiv dhe ligjvënës.
Ndërkohë, të hënën fillon punimet parlamenti i parë shumë-etnik i Kosovës së pas luftës.
Pritet që në sesionin e hapjes të zgjidhet kryetari i parlamentit si dhe kryesia e përbërë nga shtatë anëtarë.
Në Parlamentin me 120 deputetë të dalë nga zgjedhjet e 17 nëntorit, mbizotërojnë deputetët shqiptarë dhe në të përfshihen 22 deputetë serbë. Masat e sigurimit janë shtuar dhe në ndërtesë do të caktohet një vend për të dorëzuar armët.
Parlamenti i ri do ta qeverisë Kosovën së bashku me zyrtarët e Kombeve të Bashkuara si dhe me paqeruajtësit e Natos që e morën atë nën kontroll në qershor të vitit 1999 pas fushatës ajrore të Natos.