Sot në Tiranë pritet të mbahet një tryezë e përbashkët e partive politike të përfaqësuara në parlament dhe një grupi intelektualësh të njohur për të diskutuar rreth paraqitjes së Shqipërisë në mbledhjen e Bashkimit Evropian pas dy ditësh. Në këtë mbledhje do të shqyrtohet situata politiko-ekonomike e Shqipërisë dhe marrëdhëniet e mëtejshme të saj me Bashkimin Evropian.