Lidhje

Presideni Bush në Tokio (17 shkurt) - 2002-02-17


Presidenit Bush mbërriti në Tokio në fillim të turneut të tij 6-ditor në tre vende aziatike i cili përfshin gjithashtu vizita në Korenë e Jugut dhe në Kinë.

Kjo është vizita e parë zyrtare e presidentit Bush në Japoni.

Presidenti do të takohet nesër me kryeministrin japonez, Junichiro Koizumi.

Dy udhëheqësit pritet të bisedojnë lidhur për nevojën e zbatimit të reformave ekonomike në Japoni ndërkohë që ky vend është goditur nga kriza ekonomike, e treta brenda një dekade. Lufta kundër terrorizmit dhe qendrimi i ashpër i Washingtonit ndaj Koresë së Veriut pritet gjithashtu të jenë në krye të rendit të ditës së bisedimeve.

Pak para mbërritjes së presidentit, studentë majtistë demonstruan kundër luftës antiterroriste. Protestuesit u mblodhën në një park të Tokios qendrore pak kilometra larg ambasadës amerikane për të shprehur kundërshtimin e tyre kundër bashkëpunimit të Japonisë në këtë luftë.

Pas tri ditësh qendrimi, presidenti Bush do të shkojë në Korenë e Jugut, ku pritet të sigurojë presidentin Kim Dae-jung se Shtetet e Bashkura janë të agazhuara ndaj paqes në Gadishullin Korean, megjithë qendrimin e ashpër të administratës së tij ndaj shtetit stalinist të Koresë së Veriut.

XS
SM
MD
LG