Dhjetra-mijëra përkrahës të opozitës në Madagaskar demonstruan në kryeqytetin e ishullit, Antananarivo, një ditë pas shpalljes së gjendjes së jashtëzakonshme në shkallë vendi. Shumë demonstrues formuan një barrikadë nejrëzore përreth shtëpisë së udhëheqësit të opozitës, Marc Ravalomanana, për të penguar arrestimin e tij. Presidenti i Republikës së Malgashit, Didier Ratsiraka, vendosi mbrëmë gjendjen e jashtëzakonshme vonë, disa orë pasi zoti Ravalomanana, kundërshtari i tij në zgjedhje e shpalli veten kryetar shteti. Udhëheqësi i opozitës thotë se ka fituar shumicën absolute në zgjedhjet e dhjetorit dhe se nuk pranon të marrë pjesë në raundin e dytë të zgjedhjeve muajin e ardhshëm.