Në Shqipëri, drejtori i Bankës së Kursimeve, Edvin Libohova, siguroi sot se depozitat e klientëve janë plotësisht të garantuara. Komentet e zotit Libohova erdhën si kundërpërgjigje ndaj frikës së përhapur ditët e fundit për një falementim të mundshëm të kësaj banke. Drejtori Libohova mohoi kategorikisht ekzistencën e një shqetësimi të tillë. Banka e Kursimeve me kapitale shtetërore është banka më e madhe në Shqipëri e cila ka hyrë tashmë në procesin e privatizimit.