Presidenti Bush thotë se Shtetet e Bashkuara dhe Rusia arritën një marrëveshje për një traktat, që do të pakësonte ndjeshëm numrin e armëve bërthamore. Zoti Bush u tha gazetarëve në Shtëpinë e Bardhë se traktati do të zhdukte trashëgiminë e Luftës së Ftohtë.
Presidenti thotë se kur ai dhe Presidenti rus Vladimir Putin të nënshkruajnë marrëveshjen këtë muaj në Rusi, kjo do të shënonte një epokë të re në marrëdhëniet mes dy vendeve.