Forcat izraelite u rikthyen në kampin e refugjatëve të Jeninit në Bregun Perendimor, i cili u dëmtua rëndë gjatë një inkursioni ushtarak muajin e kaluar.
Ushtria izraelite tha se trupat arrestuan një numër ekstremistësh të dyshuar gjatë operacionit në orët e natës. Palestinezët thanë se pati të shtëna armësh, por nuk njoftuan humbje në njerëz.
Gjetkë në Bregun Perendimor, trupat izraelite njoftohet se hynë sot në Tulkarem. Në Rripin e Gazës ushtria izraelite tha se vrau një luftëtar palestinez ndërsa ky i fundit iu afrua një vendbanimi hebraik.
Përleshjet dhe lëvizja e trupave ndodhën pasi një këshilltar i lartë i zotit Yasser Arafat tha se udhëheqësi palestinez ka rënë dakort të mbahen zgjedhje parlamentare dhe presidenciale brenda gjashtë muajsh.