Zyrtarë amerikanë dhe filipinas thonë se të dyja palët mund ti zgjasin në kohë manovrat e përbashkëta ushtarake, të cilat synojnë eliminimin e një grupi mysliman në ishujt jugorë të Filipineve.
Pas takimeve dje dhe sot me Presidenten Gloria Arroyo dhe zyrtarë të tjerë të lartë filipinas, nën Sekretari amerikan i Mbrojtjes, Paul Wolfowitz, tha se Washingtoni po shqyrton mundësinë e mbajtjes së trupave në Filipine pasi mandati i misionit të tyre të tanishëm stërvitor të marrë fund muajin e ardhshëm.
Presidentja Arroyo tha se trupat amerikane duhet ta zgjerojnë misionin e tyre stërvitor në nivelin taktik, duke bashkëpunuar në terren me forcat filipinase. Një gjë e tillë do të shtonte mundësitë që forcat amerikane do të ndesheshin me luftëtarë kryengritës, por zyrtarët thonë se asnjë ushtar amerikan nuk do të angazhohet në operacione luftarake.