Lidhje

Vdiq Sarah Moody - 2002-08-20


Sara Moody, e cila përdori teknologjinë e Nasas për krijimin e të ashtuquajturit kostum ftohës, vdiq këtë muaj në moshën 63 vjeçare, duke lënë pas një trashëgimi shprese për mijëra fëmijë që vuajnë nga një sëmundje e rallë gjenetike.

Zonja Moody ishte kryetare e fondacionit kundër sëmundje gjenetike të Displasisë Hipohidrotike Ektodermale, të cilin ajo e themeloi në vitin 1987 e frymëzuar nga nipi i saj. Stevie, 9 vjeçar, vuante nga kjo sëmundje e cila sjell mbi nxehjen e trupit për shkak të mungesë së gjëndrave të djersitjes. Kjo sëmundje mund të shkaktojë mbi nxehje të trupit e madje edhe vdekje.

Për këtë arsye, ajo vendosi të kontaktojë agjencinë amerikane të Hapësirës, Nasa në përpjekje për gjetjen e një zgjidhjeje për problemin me të cilin ndeshej nipi i saj. Ky hap çoi në shpikjen e kostumit ftohës. Inxhinjerët e Nasës projektuan një sistem ftohës të ngjashëm me atë që përdoret për kostumin e astronautëve, për t’i krijuar Steviet kushte për veprimtari normale. Para përdorimit të këtij sistemi ftohës, Stevie e kalonte shumicën e kohës së tij në shkollë duke pirë lëngje e duke mbajtur kompresa të ftohta, gjë që e pati bërë të vështirë përqëndrimin e tij në mësime. Kostumi ftohës gjithashtu pakësoi gjasat e tij për t’u prekur nga sëmundje të sistemit të frymëmarrjes.

Më pas, zonja Moody vuri re se kjo teknologji mund të përdorej për të ndihmuar fëmijë që vuanin nga sëmundje të ndryshme. Ajo ndihmoi për krijimin e një kostumi që ftohte dhe mbronte lëkurën e ndjeshme nga rrezet ultra vjollcë të diellit. Në vitin 1998 ajo tregoi rreth punës së saj.

'Unë jam vetëm mjeti me të cilin përpiqem të grumbullojë para dhe t’i përdor ato për këtë qëllim. Por në se teknologjia e Nasas nuk do të kishte ekzistuar, këta fëmijë do t’a kalonin jetën e tyre në errësirë.'

Zonja Moody thoshte se shpërblimi më i mirë për punën e saj ishte të shikonte fëmijët që përmirësonin cilësinë e jetës së tyre dhe fitonin lirinë për të bërë atë që dëshironin pa u penguar nga sëmundja.

Llogaritet që mijëra fëmijë në mbarë botën vuajnë nga sëmundje të lëkurës së ndjeshme ndaj dritës ose probleme me sistemin e ftohjes së trupit. Fondacioni i krijuar nga Sarah Moody është një organizatë jo qeveritare me bazë të Virxhinia. Ajo ndihmon edhe fëmijët që vuajnë edhe nga sëmundje të tjera siç janë Spina Bifida, Cerebral Palsy dhe shrregullime të tjera gjenetike.

XS
SM
MD
LG