Policia austriake thotë se ka arrestuar dy shqiptarë nga Kosova në lidhje me shpërthimin në një klub nate muajin e kaluar.
Zyrtarë të policisë thonë se i arrestuan dy personat e papunë pasi morën në pyetje të gjithë ata që ishin në klub kur ndodhi shpërthimi.
Ata theksojnë se deklaratat e dhëna nga dy të arrestuarit nuk përputheshin me ato të dëshmitarëve të tjerë.
Të dy të dyshuarit kanë mohuar se kishin gisht në shpërthim.
Afro 30 të rinj u plagosën më 27 korrik, kur shpërtheu një granatë dore e hedhur në sallën e vallëzimit të klubit të madh të natës në Linz, rreth 80 kilometra në perëndim të Vjenës.
Shumica e të plagosurve ishin imigrantë të rinj serbë dhe kroatë.