Lidhje

Karzai i shpëton atentatit - 2002-09-05


Presidenti afgan Hamid Karzai njoftohet se i shpëtoi një atentati në qytetin e Kandarharit.

Dëshmitarët thonë se presidenti Karzai ndodhej me Guvernatorin e krahinës së Kandarharit Gul Agha Sherzai kur makina e tyre u qëllua. Guvernatori u plagos në qafë dhe është dërguar në spital.

Ndërkohë, dy shpërthime të fuqishme tronditën sot qendrën e kryeqytetit afgan Kabul, duke shkaktuar vdekjen ose plagosjen e të paktën 25 vetave. Shpërthimet ndodhën sot pasdreke njëri pas tjetrit në një zonë plot njerëz në afërsi të Ministrisë Afgane të Informimit dhe të një hoteli.

Mijëra njerëz u larguan të përfshirë nga paniku, ndërkohë që policia rrethoi zonën e shpërthimeve.

Një zyrtar i lartë i policisë u tha gazetarëve se shpërthimi ishte shkaktuar nga lëndë plasëse të vendosura në një taksi.

Deri tani nuk është bërë ndonjë arrestim dhe askush nuk ka marrë përgjegjësinë për shpërthimet./ii

XS
SM
MD
LG