Zëvendës-presidenti i Iranit tha se një gazetare kanadeze, vdiq javën e kaluar në Teheran nga rrahjet.
Mohamad Ali Abtahi tha të mërkurën në një konferencë shtypi se nga përfundimet e para të një hetimi në lidhje me shkakun e vdekjes së gazetares Zahra Kazemi doli se ajo vdiq nga një hemorragji në tru, e shkatuar nga rrahjet.
Zonjën Kazemi, gazetare kanadeze me origjinë iraniane, e arrestuan muajin e kaluar, ngaqë po fotografonte një burg famëkeq të Teheranit. Agjencia zyrtare iraniane e lajmeve thotë se më pas atë e çuan në një spital, ku dhe vdiq.
Të martën, autoritetet iraniane e ndalën ceremoninë e varrrimit të zonjës Kazemi, pasi presidenti iranian Muhamad Katami dha urdhër të zhvillohen hetime nbi shkakun e vdekjes së gazetares.//kk//