Presidenti Bush thotë se programi i tij fundit për reformat në taksa po ndihmon tashmë në nxitjen e rritjes ekonomike. Në fjalimin e tij të përjavshëm në radio, zoti Bush tha sot se njoftimet e kësaj jave tregojnë që prodhimi në industri, volumi i ndërtimeve dhe niveli i shpenzimeve nga ana e konsumatorëve po rriten.
Ai tha se, edhe pse shifrat e papunësisë vazhdojnë të jenë të larta, ekonomistët e administratës së tij besojnë se, sikur të mos uleshin taksat, deri në 1,5 milionë amerikanë do të ishin sot të papunë.
Megjithatë demokratët thonë se politikat e zotit Bush e kanë dëmtuar ekonominë duke kapur shifra rekord të deficitit buxhetor dhe i kanë detyruar qeveritë shtetrore dhe lokale të shkurtojë shpenzimet.
Guvernatori i shtetit të Virxhinias, Mark Warner, thotë se administrata e presidentit Bush po shkon drejt një niveli rekord të numrit më të vogël të vendeve të reja të punës që nga kriza ekonomike e viteve 1930.
//ze//