Komandanti i forcave amerikane pranë bregdetit të Liberisë, gjeneral Thomas Turner, është përgatitur të fillojë diskutimet për rihapjen e portit në kryeqytetin Monrovia për dërgimin e ndihmave humanitare.
Pritet që gjenerali Turner të takohet me komandantin nigerian të paqeruajtësve afrikano-perëndimorë, ambasadorin amerikan në Monrovia dhe udhëheqësin e forcave kryengritëse që kontrollojnë portin.
Kryengritësit kishin premtuar se do të tërhiqeshin nga porti, pasi presidenti Charles Taylor të largohej nga vendi. Zoti Taylor u largua dje nga Liberia dhe shkoi në mërgim në Nigeri, pasi i dorëzoi pushtetin Nënpresidentit Moses Blah.// lk //