Sekretari i Shtetit Kolin Pauell thotë se Shtetet e Bashkuara janë të vendosura të luajnë rol udhëheqës në luftën kundër Sidës.
Sekretari Pauell tha dje në një sesion të posaçëm të Asamblesë së Përgjithshme të OKB-së se Sida është më shkatërrimtare se sulmet terroriste, konfliktet apo armët e shkatërrimit në masë.
Shtetet e Bashkuara, tha ai, synojnë të qëndrojnë në krye të përpjekjeve mbarë botërore për të luftuar krizën.
Komentet e Sekretarit të Shtetit u bënë në përgjigje të kritikave nga i dërguari i posaçëm i OKB-së për Sidën në Afrikë, i cili tha se vendet perëndimore shpenzojnë më shumë fonde për luftën kundër terrorizmit se sa për të luftuar Sidën në Afrikë.