Administrata e presidentit Bush thotë se mirëpret bisedimet e planifikuara për javën e ardhshme në Vienë midis udhëheqësve sërbë dhe atyre shqiptarë të Kosovës.
Zëdhënësi i departamentit të shtetit Richard Boucher tha dje se bisedimet e ardhshme janë shumë të rëndësishme.
Ai tha se Washingtoni shpreson që si qeveria e Sërbisë e Malit të Zi ashtu edhe ajo e Kosovës do t’i shikojnë këto bisedime si shumë serioze dhe do të dërgojnë në Vienë ata që ai i cilësoi si përfaqësues politikë të përshtatshëm të nivelit të lartë.
Bisedimet e Vienës do të jenë diskutimet e para të drejtë për drejta midis udhëheqësve shqiptarë të Kosovës dhe zyratrëve sërbë që prej përfundimit të konfliktit në vitin 1999.
Javën e kaluar, ligjvënësit shqiptarë shtynë një votim të rëndësishëm, i cili do të kishte autorizuar udhëheqësit e Kosovës të merrnin pjesë në bisedime.
Po dje në Prishtinë, ish ambasadori amerikan në Kombet e Bashkuara, Richard Holbrooke u bëri thirrje udhëheqësve të Kosovës që të marrin pjesë në takimin e Vienës.
Zoti Holbrooke u tha udhëheqësve shqiptarë se ata do të bënin një gabim shumë të madh po të mos marrin pjesë në bisedime, ku do të mund të ushtrojnë ndikimin e tyre mbi të ardhmen e Kosovës. Ish ambasadori amerikan sugjeroi se Beogradi do të korrte një fitore në marrëdhëniet publike në se shqiptarët nuk paraqiten në bisedimet e Vienës.
//ze//