Lidhje

Administrata amerikane: Bisedimet Prishtinë-Beograd shumë të rëndësishme - 2003-10-07


Administrata e presidentit Bush thotë se mirëpret bisedimet e planifikuara për javën e ardhshme në Vienë midis udhëheqësve sërbë dhe atyre shqiptarë të Kosovës.

Zëdhënësi i departamentit të shtetit Richard Boucher tha dje se bisedimet e ardhshme janë shumë të rëndësishme.

Ai tha se Washingtoni shpreson që si qeveria e Sërbisë e Malit të Zi ashtu edhe ajo e Kosovës do t’i shikojnë këto bisedime si shumë serioze dhe do të dërgojnë në Vienë ata që ai i cilësoi si përfaqësues politikë të përshtatshëm të nivelit të lartë.

Bisedimet e Vienës do të jenë diskutimet e para të drejtpërdrejta midis udhëheqësve shqiptarë të Kosovës dhe zyratrëve sërbë që prej përfundimit të konfliktit në vitin 1999.

Javën e kaluar, ligjvënësit shqiptarë shtynë një votim të rëndësishëm, i cili do të kishte autorizuar udhëheqësit e Kosovës të merrnin pjesë në bisedime.

Ndëkohë, shefi i Misionit te Kombeve të Bashkuara Harri Holkeri u dërgoi sot ftesat zyrtare udheheqësve të institucioneve të Kosovës dhe atyre të Beogradit për fillimin e bisedimeve teknike. Në orët e pasdites ai filloi nderkaq nje seri takimesh me përfaqesues politikë te shqiptareve të cilët ende nuk kanë marrë ndonjë vendim te prerë rreth kesaj cështjeje.

//rd//

XS
SM
MD
LG