Një inxhinjer turk, i cili mbahej peng nga persona të dyshuar si ekstremistë talebanë, u lirua pasi u mbajt nga rrëmbyesit për një muaj.
Hasan Onal iu dorëzua sot kryetarëve fisnorë në Afganistanin jugor dhe u dërgua në kryeqytetin afgan. Ai u tha gazetarëve në Kabul se ai është i gëzuar dhe ndjehet mirë.
Ministri afgan i brëndshëm, Ali Ahmad Jalali, i cili shoqëroi zoti Onal në një konferencë shtypi në Kabul, tha se inxhinjeri u lirua pa ndonjë kusht dhe se nuk u pagua ndonjë dëmshpërblim.
Lirimi i zotit Onal u njoftua dje vonë nga një person, që e përshkroi veten si zyrtar taleban. Ai tha se ha se inxhinjeri turk do të lirohej sepse ai ishte mysliman dhe sepse qeveria afgane kishte liruar kohët e fundit dy anëtarë të burgosur të regjimit taleban.
Zoti Onal, i cili punonte për një kompani turke ndërtimi, u rrëmbye së bashku me shoferin e tij nga fundi i tetorit në provincën fqinje të Zabulit ndërsa po punonte në autostradën Kabul-Kandahar.
Shoferi u lirua të nesërmen me një letër, ku kërkohej lirimi i disa të burgosurve talebanë. Rrëmbyesit kishin kërcënuar ta vrisnin zotit Onal.
Sulmet e elementëve talebanë kanë dëmtuar projektin e ndërtimit të kësaj rruge në Afganistan, me ndihmën e Shteteve të Bashkuara.
//ze//