Qeveria italiane ka ndërmarrë hapa për të mbrojtur nga falimentimi gjigandin e prodhimeve ushqimore, kompaninë italiane Parmalat, pasi ajo bëri të ditur se në llogaritë e saj mungonin pesë miliardë dollarë.
Kabineti votoi për të rishikuar procedurat për mbrojtjen e kreditorëve. Po ashtu kabineti vendosi t’i kërkojë Bashkimit Evropian të lehtësojë rregulloren për ndihma shtetërore për këtë industri.
Kryeministri italian Silvio Berluskoni ka thënë se do të bëjë ç’është e mundur për ta shpëtuar kompaninë, si dhe për të mbajtur në punë 36 mijë punonjësit e saj. Kompania Parmalat pranoi javën e kaluar se i mungonin afro 5 miliardë dollarë nga një llogari e saj në një bankë amerikane.
//rd//