Sekretari amerikan i shtetit, Colin Powell, takohet sot me presidentin pakistanez, Pervez Musharaf, për bisedime lidhur me ndjekjen e terroristëve të al-Qaidës dhe skandalin e përhapjes së armëve bërthamore të Islamabadit.
Sekretari Powell tha se do t’i përdorë bisedimet e tij në Islamabad për të kërkuar më shumë informacion rreth veprimtarive të shkencëtarit pakistanez, Abdul Qadeer Khan. Pritet gjithashtu që në bisedime të preket edhe çështja e Kashmirit.
Para se të nisej për në Pakistan, zoti Powell bëri një ndalesë të shkurtër në Afganistan, ku ai lavdëroi operacionet ushtarake të Pakistanit kundër ekstremistëve afër kufirit afgan.
//ze//