Sekretari amerikan i mbrojtjes premtoi se do të marrë çdo masë të nevojshme për të vënë para përgjegjësisë personelin ushtarak amerikan të implikuar në keqtrajtimin e të burgosurve irakianë.
Në një konferencë shtypi, zoti Rumsfeld tha se ai ka qenë në dijeni të shkeljeve që nga muaji janar duke shtuar se aktualisht janë po zhvillohen 6 procese hetimore për këtë çështje.
Ai i quajti ”në kundërshtim me vlerat amerikane dhe thellësisht shqetësuese” fotografitë e ushtarëve amerikanë duke poshtëruar të burgosurit irakianë në burgun Abu Gharib.
Komisioni i Senatit për Forcat e Armatosura mbajti të martën një sesion me dyer të mbyllura lidhur me skandalin dhe i kërkoi zotit Rumsfeld të japë shpjegime sa më shpejt në një seancë të hapur dëshmie në Kongres. //az//