Mbreti i Jordanisë Abdullah tha se është inkurajuar që Shtetet e Bashkuara nuk do të paragjykojnë rezultatin e bisedimeve të ardhshme për paqe në Lindjen e Mesme.
Udhëheqësi i Jordanisë i bëri këto komente ndërkohë që ai dhe presidenti Bush u takuan me gazetarët pas bisedimeve të tyre dje në Shtëpinë e Bardhë.
Udhëheqësit palestinezë u zemëruan muajin e kaluar kur zoti Bush mbështeti një plan të kryeministrit izraelit, Ariel Sharon, i cili kërkon tërheqjen e Izraelit nga Rripi i Gazës, por mbajtjen e disa pjesëve të Bregut Perëndimor.
Dje, si presidenti Bush edhe mbreti Abdullah thanë se çështjet e statusit përfundimtar duhet të vendosen nga vetë palët. Që të dy përsëritën angazhimin e tyre ndaj planit të paqes, i njohur si Harta Rrugore, në bazë të të cilit do të krijohej një shtet i pavarur palestinez, që do të ekzistonte në paqe krah për krah Izraelit.
//ze//