Lidhje

OSBEja e zhgënjyer nga mungesa e konsensusit për ligjin e pronave në Shqipëri - 2004-06-09


Zyra e OSBE-së në Tiranë tha se e konsideron miratimin e djeshëm të ligjit për kthimin dhe kompensimin e pronave nga parlamenti shqiptar si pjesë të procesit për arritjen e një zgjidhjeje përfundimtare të çështjes.

Në një deklaratë për shtypin, ambasadori Osmo Lipponen, shef i pranisë së OSBE-së në Shqipëri, tha se vlerëson lart klimën pozitive dhe profesionale që u shfaq gjatë procesit të hartimit dhe rishikimit të ligjit në komisionet parlamentare.

Por ai shtoi se është për të ardhur keq që fryma e konsensusit u prish në orët e fundit të rishikimit të projektligjit gjë që rezultoi në miratimin e shpejtuar të neneve përfundimtare pa një debat të plotë dhe të hapur.

Ambassadori Lipponen shprehu shqetësim edhe për faktin se disa nga parimet kryesore për të cilat u ra dakord në komisionet parlamentare nuk u respektuan dhe kjo, u shpreh ai, mund të rrezikojë besimin tek zbatimi i ligjit.

//rd//

XS
SM
MD
LG