Natoja ka vendosur rregulla të reja për paqeruajtësit e saj për të siguruar që ata nuk do të vizitojnë gra të detyruara me forcë nga trafikantët të punojnë si prostituta.
Zëdhënësi i Natos, James Apathurai, tha të enjtën se aleanca është e vetëdijshme se trafiku me qenie njerëzore mbështet korrupsionin dhe krimin e organizuar. Ai tha se veprimtari të tilla bien ndesh me përpjekjet e Natos për të arritur qendrueshmërinë në zona ku janë dislokuar paqeruajtësit e saj.
Zoti Apathurai tha se 26 vendet anëtare të aleancës dhe 20 vendet partnere të organizatës, përfshirë Rusinë dhe Ukrainën, mbështetën direktivat e Natos kundër frekuentimit të prostitutave që dihet se janë nën kontrollin e trafikantëve.
Ambasadori amerikan në Nato, Nicholas Burns, tha se rreth 200 mijë gra trafikohen çdo vit nëpër vendet ballkanike dhe se shumë prej tyre përfundojnë si skllave seksi.