Autoritetet pakistaneze bënë të ditur arrestimin e të paktën 10 personave të dyshuar si terroristë të al-Kaidës, të akuzuar për planifikimin e sulmeve kundër ndërtesave qeveritare dhe ambasadës amerikane në Islamabad.
Ministri i Informimit, Sheikh Rashid Ahmed, tha dje se të dyshuarit kishin në plan të kryenin një seri sulmesh të përditëshme, duke filluar nga 13 gushti. Mes objektivave ishin rezidenca e Presidentit Pervez Musharraf dhe komanda ushtarake e vendit.
Ai tha se të dyshuarit u arrestuan gjatë javës së kaluar dhe se po kërkohen edhe të dyshuar të tjerë. Disa prej të ndaluarve janë qytetarë egjiptianë.
Autoritetet pakistaneze thonë se ka shumë mundësi që informacioni i marrë nga operativë të kapur të al-Kaidës të çojë në arrestime të tjera.
Po dje, trupat pakistaneze sulmuan disa zona që dyshohen si strofulla të al-Kaidës pranë kufirit me Afganistanin. //kk//