Presidenti rus, Vladimir Putin, po kritikohet nga paraardhësit e tij lidhur me vendimin për t’i dhënë Kremlinit kompetenca të reja.
Presidenti i fundit i Bashkimit Sovjetik, Mihail Gorbaçov, dhe presidenti i parë i Rusisë, Boris Jeltsin, i bënë komentet në intervista të veçanta.
Zoti Gorbaçov u bëri thirrje autoriteteve ruse të respektojnë liritë demokratike dhe të përpiqen për arritjen e zgjidhjeve politike.
Ish-presidenti Jeltsin i bëri thirrje Kremlinit të mos largohet nga fryma e kushtetutës që ai paraqiti në vitin 1993.
Këtë javë, Presidenti Putin bëri të njohura ndryshime rrënjësore politike për t’u marrë me problemin e terrorizmit pas krizës së pengjeve në Beslan.
Ndryshimet përfshijnë emrimin e guvernatorëve rajonalë nga presidentit në vend që ata të zgjidhen me vota të lira.
Të merkurën, Presidenti Bush shprehu shqetësim se këto ndryshime mund të dëmtojnë demokracinë. //az//