Uragani Xhin është futur në brendësi të gadishullit Florida, duke shkaktuar ndërprerjen e energjisë për më shumë se 1 milion vetë dhe duke shkaktuar dëme të mëdha materiale.
Kjo është stuhija e katërt e këtyre përmasave që godet Floridën brenda 6 javësh dhe ka shënuar një rekord të ri në 100 vitet e fundit.
Qendra Kombëtare e Uraganeve thotë se Xhin po dobësohet ndërsa po i afrohet Gjirit të Meksikës dhe se mund të klasifikohet si stuhi tropikale nga fundi i ditës.
Guvernatori i Floridës, Jeb Bush, do të mbajë një konferencë shtypi lidhur me dëmet e shkaktuara nga uragani.
Uragani Xhin arriti brigjet lindore të Floridës dje, në të njëjtin rajon ku tre javë më parë goditi Uragani Frances.
Autoritetet u bënë thirje tre milionë vetëve të evakuonin zonën, por njoftimet bëjnë të ditur se shumë banorë nuk e respektuan këtë këshillë.