Një punonjëse britanike e ndihmave, e rrëmbyer në Irak, i bëri thirrje kryeministrit britanik Tony Blair t’i tërheqë trupat e vendit të tij nga Iraku me qëllim që t’i shpëtojë asaj jetën.
Margaret Hasani, drejtoresha e degës së organizatës së ndihmave Care International në Irak, e bëri këtë thirrje me lotë në sy në një videokastetë të transmetuar dje nga rrjeti televiziv Al-Jazeera.
Ajo i kërkoi Kryeministrit Blair edhe të mos dislokojë trupa britanike në Bagdad, siç u është premtuar Shteteve të Bashkuara.
Sekretari i jashtëm britanik, Jack Straw, e cilësoi videokasetën si tronditëse dhe shprehu keqardhjen për familjen e zonjës Hasan.
Në një deklaratë të organizatës Care u bëhet thirrje rrëmbyesve ta lirojnë zonjën Hasan, duke vënë në pah mbështetjen e madhe publike në Irak për lirimin e saj si edhe punën e saj shumëvjeçare bamirëse në atë vend.
Asnjë grup nuk ka marrë përgjegjësinë për rrëmbimin e saj të martën në Bagdad. //Ib