Forcat e koalicionit të NATO-s në Afganistan ndërmorën një operacion të pazakontë me helikopterë për të shpëtuar katër punonjës ndihmash humanitare që mbaheshin në një shpellë. Një zëdhënës i NATO-s tha se pesë nga rrëmbyesit u vranë gjatë operacionit të ndërmarrë sot në orët e para të mëngjesit.
Punonjësit e ndihmave, një britanike, një kenian dhe dy afganë, ishin rrëmbyer më 22 maj kur po udhëtonin me kuaj për të kuruar fshatarët që vuanin nga kequshqyerja në provincën e largët Badakshan. Ata punojnë për organizatën joqeveritare zvicerane Medair.
Forcat britanike morën pjesë në këtë operacion të autorizuar nga kryeministri David Cameron. Zoti Cameron e cilësoi operacionin jashtëzakonisht të guximshëm. Mes ekipit për shpëtimin e pengjeve nuk pati viktima. Nuk është e qartë se çfarë kërkesash kishin paraqitur rrëmbyesit.
Punonjësit e ndihmave, një britanike, një kenian dhe dy afganë, ishin rrëmbyer më 22 maj kur po udhëtonin me kuaj për të kuruar fshatarët që vuanin nga kequshqyerja në provincën e largët Badakshan. Ata punojnë për organizatën joqeveritare zvicerane Medair.
Forcat britanike morën pjesë në këtë operacion të autorizuar nga kryeministri David Cameron. Zoti Cameron e cilësoi operacionin jashtëzakonisht të guximshëm. Mes ekipit për shpëtimin e pengjeve nuk pati viktima. Nuk është e qartë se çfarë kërkesash kishin paraqitur rrëmbyesit.