Lidhje

Akte dhune sot në Siri, shtatë të vrarë

  • Zëri Amerikës

Të paktën shtatë vetë janë vrarë sot në Siri në akte dhune mes forcave qeveritare dhe kryengritësve kundër regjimit të Presidentit al-Asad.

Shoqata Vëzhguesi Sirian për të Drejtat e Njeriut thotë se të paktën 3 civilë mbetën të vrarë gjatë sulmeve me artileri dhe armë zjarri nga forcat qeveritare siriane. Ndërkaq, burime qeveritare thonë se 4 pjesëtarë të forcave të sigurisë, përfshirë një kolonel, janë vrarë në Damask.

Në zhvillime të tjera, një video e publikuar në internet thotë se grupi militant Fronti Al-Nusra është përgjegjës për dy shpërthime të fuqishme të enjten në Damask, që lanë të vrarë të paktën 55 vetë.

Analisti i zhvillimeve në Lindjen e Mesme, M.J. Gohen thotë se ky grup filloi të dalë në skenë kohët e fundit.

XS
SM
MD
LG