Një komision parlamentar belg votoi njëzëri sot për të mos lejuar gratë të veshin burka dhe niqabin islamik në publik.
Dhoma belge e Përfaqësuesve pritet të votojë mbi këtë çështje në prill.
Nëse miratohet, Belgjika do të jetë vendi i parë në Evropë që e bën të paligjshme mbulimin nga koka te këmbët me burka dhe mbulimin e fytyrës nga niqabi në publik.
Në fillim të këtij viti, një komision parlamentar francez bëri thirrje për moslejimin e grave me burka në vendet publike.
Megjithatë, dje, Këshilli francez i Shtetit, organizmi më i lartë administrativ, paralajmëroi se çdo ndalim i tillë do të ishte jokushtetues.
Në vitin 2004, qeveria franceze miratoi një ligj që ndalonte vajzat myslimane të vinin shami koke në shkolla.