Lidhje

SHBA: Vazhdojnë përpjekjet për marrëveshje mbi pakësimin e deficitit

  • Zëri Amerikës

SHBA: Vazhdojnë përpjekjet për marrëveshje mbi pakësimin e deficitit

SHBA: Vazhdojnë përpjekjet për marrëveshje mbi pakësimin e deficitit

Udhëheqësit e kongresit amerikan do të takohen përsëri të hënën me presidentin Obama megjithëse nuk ka shenja për përparim në përpjekjet për arritjen e një marrëveshjeje për pakësimin e defiçitit dhe ngritjen e tavanit të borxhit.

Pas tre javësh, më 2 gusht, sipas Departamentit të Thesarit, vendi nuk do të jetë në gjendje të paguajë këstet e borxhit që ka arritur në 14 presje 3 trillionë dollarë, në se nuk ngrihet sasia e borxhit që mund të marrë qeveria.

Presidenti dëshiron të arrijë një marrëveshje para këtij afati për t’i dhënë kohë Kongresit për të debatuar dhe miratuar ligjet përkatëse. Ai ka premtuar takime të përditshme deri në arritjen e një marrëveshjeje, por demokratët e zotit Obama dhe republikanët e opozitës duket se janë ende larg arritjes së marrëveshjes.

Presidenti ka propozuar një paketë prej 4 trilion dollarësh, për shkurtimin e shpenzimeve dhe rritjen e të ardhurave, ndërsa republikanët thonë se nuk do të lejojnë rritjen e taksave dhe kërkojnë të përqëndrohen vetëm në uljen e shpenzimeve qeveritare.

XS
SM
MD
LG