Lidhje

Kroacia rifilloi bisedimet e anëtarësimit me Bashkimin Evropian

  • Zëri Amerikës
  • Uashington

Kroacia nisi fazën përfundimtare të anëtarësimit në BE pas bisedimeve që rifilluan sot. Bisedimet ishin pezulluar për shkak të një mosmarrëveshje kufitare me Slloveninë.

Të dyja palët i nisën bisedimet mes tyre për tre nga 35 kapitujt e proçesit të aplikimit. Bisedimet përfundimtare përfshijnë ligjin për konkurencën e hapur, reformën juridike dhe politikën e jashtme.

Bisedimet u pezulluan në vitin 2008 me kërkesë të Sllovenisë, deri sa të arrihej marrëveshja që i jepte asaj dalje të drejtëpërdrejtë në Adriatik. Sllovenia ra dakort që mosmarrëveshjen ta zgjidhë një panel ndërkombëtar, gjë që mund ta detyrojë Kroacinë të heqë dorë nga një pjesë e territorit.

Autoritetet kroate thonë se marrëveshja e anëtarësimit në BE mund të arrihet në vitin 2011.



XS
SM
MD
LG